Álvaro Seivane foi convidado por Carlos Núñez a acompañalo nos seus concertos de A Coruña e Vigo, na interpretación dunha das Cantigas de Santa María de Alfonso X, o Sabio. Non somos músicos profesionais pero ante a insistencia e ilusión de Carlos non puidemos negarnos. Estamos moi contentos e agradecidos, sabemos que lle sacará o máximo partido.
Esta musa naceu pola proposta de Raúl Lacilla para reconstruír as gaitas antigas das representacións medievais. Foron moitas horas de estudo e traballo man a man a través dun camiño inexplorado ata entón, que conclúe con este fin de festa perfecto para despedir o ano.
|
|
 |
|
|
